INICIAR SESIÓN

CLAUSURA LANZADEIRAS 2018

O pasado mércores 13 de xuño celebrouse, no CIFP Paseo das Pontes, o acto de exhibición, entrega de premios e clausura do Programa Lanzadeiras – Miniempresas Coruña 2018, da Consellería de Eduacación e coa participación da Fundación Alcoa.

 O noso CIFP participou coa miniempresa "SENLLEIRAS ANIMACIÓN S.COOP." creada polos alumnos do CS Animación Sociocultural e Turística, que consiste no desenvolvemento dunha aplicación web accesible e intuitiva que ofrece unha ampla gama de servizos socioeducativos, recreativos e promocionais personalizados de calidade e a prol do desenvolvemento sustentable. Pretende fomentar tanto a participación interxeracional como a difusión do patrimonio material e inmaterial de Galicia. Concentra, nunha soa aplicación, proxectos e actividades de animación sociocultural, socioeducativa, turística e de lecer en xeral. Tamén pretende ser un punto de encontro entre profesionais da animación, particulares e entidades, ao conectar a oferta coa demanda personalizada. A interface está adaptada para persoas con discapacidade sensorial auditiva (LSE) e con opción de tradución ao castelán e inglés.

 As 6 miniempresas exhibíanse nuns stands e mentras se esperaba ás Autoridades, o noso alumnado animou, como non podía ser doutro modo, con bailes, xogos e cancións aos demáis participantes.

A pesar do bo traballo do alumnado, do seu labor de equipo e da súa organización non puido ser e os premios foron concedidos aos proxectos dos centros: CIFP Paseo das Pontes, IES Universidad Laboral e IES Isaac Díaz Pardo.

 Logo da entrega de premios, o centro anfitrión convidounos a uns "pinchos" elaborados polos seus alumnos/as

 ¡Non pasa nada! Foi unha boa experiencia que completa a formación do noso alumnado e fomenta o espírito emprendedor

 ¡MOITAS GRAZAS AO ALUMNADO DO CS DE ANIMACIÓN SOCIOCULTURAL E TURÍSTICA!

Imaxes da clausura