Familia: Servizos socioculturais e á comunidade
Que se aprende a facer?
Deseñar, pór en práctica e avaliar proxectos e programas educativos de atención á infancia no primeiro ciclo de educación infantil no ámbito formal, consonte a proposta pedagóxica elaborada por un mestre ou unha mestra coa especialización en educación infantil ou título de grao equivalente, e en toda a etapa no ámbito non formal, xerando contornos seguros e en colaboración con profesionais e coas familias.
Onde se realiza o traballo?
No sector da educación formal e non formal e no sector dos servizos sociais de atención á infancia.
En que postos de traballo?
Educador ou educadora infantil en primeiro ciclo de educación infantil, sempre baixo a supervisión dun mestre ou dunha mestra, en institucións públicas e privadas. Educador ou educadora en institucións ou en programas específicos de traballo con menores (de cero a seis anos) en situación de risco social, ou en medios de apoio familiar, seguindo as directrices doutros profesionais. Educador ou educadora en programas ou actividades de lecer e tempo libre infantil con menores de cero a seis anos: ludotecas, casas de cultura, bibliotecas, centros educativos, centros de lecer, granxas escola, etc.
Cales son os módulos deste ciclo?
| Módulos | Horas |
| Autonomía persoal e saúde infantil | 155 |
| Desenvolvemento cognitivo e motor | 213 |
| Desenvolvemento socioafectivo | 123 |
| Didáctica da educación infantil | 240 |
| Expresión e comunicación | 213 |
| Formación e orientación laboral | 107 |
| Empresa e inicitaiva emprendedora | 53 |
| Formación en centros de traballo | 384 |
| Habilidades sociais | 123 |
| Intervención con familias e atención a menores en risco social | 123 |
| O xogo infantil e a súa metodoloxía | 187 |
| Primeiros auxilios | 53 |
| Proxecto de atención á infancia | 26 |
Que título se obtén?
Técnico superior en educación infantil
A que outros estudos se pode acceder?
Acceso directo a calquera estudo universitario de grao e a calquera outro ciclo formativo de grao superior.
