Dinamización da Língua

DINAMIZACIÓN

A Facultade de Medicina e Odontoloxía de Santiago publica imaxes de expresións populares en galego coa súa equivalencia técnica

No marco da campaña "Entendo, logo diagnostico. Técnico&popular", publicouse unha serie de dezaoito imaxes nas que se recollen expresións populares en galego sobre síntomas e doenzas cos seus respectivos termos técnicos.

A iniciativa está dirixida a profesionais da medicina, co ánimo de que poidan comprender o que lles transmiten os/as pacientes e así poder realizar diagnósticos correctos.

Podes acceder á colección de imaxes na páxina de Facebook do SNL da USC.

NACE Agora.gal, UN PROXECTO DE CONTIDOS DIXITAIS EN GALEGO

Agora.gal é un espazo no que iniciares a navegación diaria en Internet. Ofrece unha porta aberta a todo un universo de contidos, que chegan dende os blogues e medios asociados.

Pódese consultar o tempo ou os datos da COVID, escoitar música, botar un ollo aos youtubeiros/as e poñer a orella nos podcasts. E ademais apoiando ás empresas locais!

agora.gal

APLICACIÓNS PARA O USO INCLUSIVO E NON DISCRIMINATORIO DA LINGUA

Xanela Inclusiva e Ventana Inclusiva son unhas aplicacións correctoras de estilo para un uso inclusivo e non discriminatorio da lingua galega e castelá.

Os correctores detectan o emprego de linguaxe sexista e discriminatoria reformulando e ofrecendo termos non sexistas e inclusivos.

Dende aquí o noso agradecemento ás profesionais de ACADAR polas súas contribucións prácticas a prol da inclusión de todas as persoas.

SEMANA DAS LETRAS GALEGAS

As nosas letras estiveron moi presentes estes días no CIFP Ánxel Casal-Monte Alto, achegándose á comunidade educativa en forma de chapas coas palabras galegas que nos namoran. Ademais, en colaboración coa biblioteca do centro, tamén puidemos agasallar con libros de literatura galega que tiveron unha estupenda acollida.

Foto.1 EDLG Foto.2 EDLG

LETRAS GALEGAS 2021

XELA ARIAS foi unha das voces máis singulares da poesía galega contemporánea e sobresaíu tamén como editora e tradutora.

A través da exposición Asinamos ser libres podemos coñecer a súa infancia e adolescencia rebelde, os primeiros textos poéticos, a conexión da súa poesía coa cultura e a sociedade do seu tempo e o seu labor como tradutora. Tamén achegármonos á experiencia da maternidade en Darío a diario, o seu último poemario Intempériome, o seu pasamento repentino e o seu legado.

Feliz Día das Letras Galegas!