INICIAR SESIÓN

DINAMIZACIÓN

Premio ao uso da lingua galega no Entroido 2019 
 
 
Parabéns aos grupos participantes no Festival de Entroido polas súas caracterizacións, humor e creatividade.
 
 
E parabéns especiais aos grupos de Integración social (réxime ordinario) e de Mediación comunicativa (réxime modular) por coidaren de xeito exemplar as letras das súas actuacións.
 
 
Nuns días daremos conta do seu gorentoso premio.
 
Entroido 2019
 
 

Sementeira de acivros

Sabes cal foi a Palabra do Ano 2018 segundo o Portal das Palabras*?

DESEUCALIPTIZACIÓN

Dende o EDLG do CIFP Ánxel Casal-Monte Alto quixemos contribuír a espallar a biodiversidade de Galicia sementando unha especie protexida de gran valor ecolóxico: o acivro.

Máis de 250 persoas da comunidade educativa participaron nesta iniciativa, na que se repartiron un total de 75 acivros. Agardamos que alá onde os plantedes teñan unha longa e fermosa vida. 

*Portal das Palabras é unha iniciativa conxunta da Real Academia Galega e a Fundación Barrié para difundir e potenciar o traballo lexicográfico da Academia.

Imaxes da actividade

4

 

Constrúe o todo

O equipo de dinamización da lingua organizou a actividade CONSTRÚE O TODO, entre o luns 5 de novembro e o venres 9 de novembro de 2018.

Nunha semana especial, tiñamos que atopar no noso espazo do  CIFP Ánxel Casal-Monte Alto a parte dun todo.
Había que construír  “o todo” uníndose a outro compañeiro ou compañeira do centro  (persoal docente ou non docente).
O “todo” estaba formado por 2 partes de cores diferentes.

Una vez atopado, tiñamos que achegarnos a entregalo á biblioteca do CIFP Ánxel  Casal-Monte Alto, e participamos no sorteo dun AGASALLO!!!:

2 entradas (por persoa) para o teatro.

Moitas grazas por participar!!

Learning your As2 001

VII Festival de Arte pola Igualdade

O día 10 de maio celebrouse no Teatro Colón o VII Festival de Arte pola Igualdade. Neste acto, ademais de lembrar a figura da autora homenaxeada este ano polo Día das Letras -María Vitoria Moreno Márquez-, quérese dar a coñecer o traballo de integración que se desenvolve nos centros educativos participantes e demostrar que a discapacidade física e/ou psíquica non é un impedimento para desenvolver o potencial creativo e a sensibilidade artística. Un bo número de alumnos e alumnas da CEE Nosa Señora do Rosario, do CEIP Eusebio da Guarda e do Conservatorio Profesional de Música da Coruña representaron unha obra teatral e interpretaron distintas pezas musicais.

Por parte do noso centro estiveron presentes alumnas do Ciclo Superior de Mediación Comunicativa:

  • Gisela Loyola Menéndez
  • Shaila Alonso Álvarez

IMG 20180511 WA0009