INICIAR SESIÓN

DINAMIZACIÓN

VOLVE O TEATRO AO NOSO CIFP!!

Con capacidade limitada e grupos reducidos desfrutaremos do discurshow Habito Terra, unha ludoconferencia na que revisaremos os nosos comportamentos colectivos e o seu impacto sobre a vida no planeta.
Ciencia e Arte Dramática únense para transmitir coñecemento de xeito atractivo, divertido e con rigor.
Esta actividade é froito da colaboración entre o Equipo de Igualdade e o Equipo de Dinamización da lingua galega.
 
HabitoTerra

A REAL ACADEMIA GALEGA RENOVA O SEU DICIONARIO EN LIÑA

A nova imaxe da web da RAG fai máis sinxelo e intuitivo o acceso aos diferentes recursos e mellora as funcionalidades do seu dicionario en liña.
A ferramenta distingue máis de 30 categorías desde adverbios, adxectivos ata conxuncións e verbos, que se poden combinar co resto de opcións de procura avanzadas.
 
rag

PROXECTAS EN GALEGO? Convocatoria aberta!

Vas redactar e defender o teu Proxecto en lingua galega?

Se é así, cando aprobes o módulo, soamente tes que enviar un correo electrónico para conseguir a entrada a un CIRCUÍTO TERMAL.

Consulta aquí as bases da convocatoria: bases.

Cartel Proxectas en galego

 A INICIATIVA XABARÍN CHEGA AO PARLAMENTO

A Mesa pola Normalización Lingüística conseguiu máis de 33.000 sinaturas de apoio para instar ao Goberno a aumentar a oferta televisiva en galego destinada á infancia e á mocidade a través dunha canle dedicada ao Xabarín.

xabarinclub

CARVALHO, LINGUA E TERRA

Coincidindo coa data do seu pasamento, o día 25 de marzo, unímonos á xornada de recordo da vida e obra de Carvalho Calero promovida pola Federación Galiza Cultura, en colaboración coa Deputación da Coruña.
Na seguinte ligazón pódese acceder ao libro-banda deseñada de Pepe Carreiro titulado "Amigo Carvalho. Do Halley ao Hubble"
Desfrutádeo!
Carvalho Lingua e Terra